ഹരിപ്പാട്: കാര്‍ത്തികപ്പള്ളി താലൂക്കിന് കീഴിലുള്ള അപ്പര്‍ കുട്ടനാട്ടിലെ പ്രളയബാധിത പ്രദേശങ്ങളിലെ ശുചീകരണ പ്രവര്‍ത്തനങ്ങള്‍ രണ്ടാം ഘട്ടത്തിലേക്ക് കടക്കുന്നു. ഒന്നാംഘട്ട ശുചീകരണം ഇന്നലെ പൂര്‍ത്തിയായി. അപ്പര്‍ കുട്ടനാട്ടിലെ 40 ശതമാനം വീടുകളാണ് ഇതുവരെ ശുചിയാക്കിയത്. വീയപുരം, ചെറുതന പ്രദേശങ്ങളില്‍ ഇപ്പോഴും വെള്ളമുണ്ട്.
ഈ പ്രദേശങ്ങളാണ് രണ്ടാം ഘട്ടത്തിലുള്ളത്. ക്യാംപ് വിടുന്നവര്‍ക്കായി 20,000 കിറ്റുകളാണ് കാര്‍ത്തികപ്പള്ളി താലൂക്കില്‍ മാത്രം തയ്യാറാകുന്നത്. നങ്ങ്യാര്‍കുളങ്ങര ടി.കെ.എം കോളജിലാണ് അവശ്യവസ്തുക്കള്‍ സംഭരിച്ച് കിറ്റുകളാക്കി മാറ്റുന്നത്. സംസ്ഥാന സര്‍ക്കാര്‍ പ്രഖ്യാപിച്ച 10,000 രൂപ സഹായധനവും വിതരണം ചെയ്യുന്നതിനുള്ള വിവര ശേഖരണവും ആരംഭിച്ചു.