ചേളാരി: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ നടന്നുവരുന്ന മുഅല്ലിം ഡേ കാംപയിനിന്റെ സമാപന സംഗമവും പ്രാര്‍ഥനാ സദസും ഇന്നു രാത്രി എട്ടിനു ജംഇയ്യത്തുല്‍ മുഅല്ലിമീന്റെ ഔദ്യോഗിക യൂട്യൂബ് ചാനലില്‍ നടക്കും. സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍ പ്രാര്‍ഥന നടത്തും.
പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും. ജംഇയ്യത്തുല്‍ മുഅല്ലിമീന്‍ സംസ്ഥാന പ്രസിഡന്റ് ഡോ. ബഹാഉദ്ദീന്‍ മുഹമ്മദ് നദ്‌വി മുഖ്യപ്രഭാഷണം നടത്തും.
വിദ്യാഭ്യാസ ബോര്‍ഡ് സെക്രട്ടറി എം.ടി അബ്ദുല്ല മുസ്‌ലിയാര്‍, ജംഇയ്യത്തുല്‍ മുഅല്ലിമീന്‍ സെക്രട്ടറി വാക്കോട് മൊയ്തീന്‍കുട്ടി ഫൈസി, ഡോ. എന്‍.എ.എം അബ്ദുല്‍ ഖാദര്‍, എം. അബൂബക്കര്‍ മൗലവി ചേളാരി, ഹുസൈന്‍കുട്ടി മൗലവി പുളിയാട്ടുകുളം, കെ.കെ ഇബ്‌റാഹിം മുസ്‌ലിയാര്‍ സംസാരിക്കും. ജംഇയ്യത്തുല്‍ മുഅല്ലിമീന്‍ ട്രഷറര്‍ മാണിയൂര്‍ അഹ്മദ് മൗലവി സമാപന പ്രാര്‍ഥനയ്ക്കു നേതൃത്വം നല്‍കും. കൊടക് അബ്ദുറഹ്മാന്‍ മുസ്‌ലിയാര്‍ സ്വാഗതവും അബ്ദുസ്സമദ് മുട്ടം നന്ദിയും പറയും. വേേു:െംംം.്യീൗൗേയല.രീാവമിിലഹഇ0ശഞദണകഇഷഝഘളണുആടണഉജേഝ എന്ന യൂട്യൂബ് ചാനല്‍ വഴിയാണ് സംപ്രേഷണം ചെയ്യുക.