കോഴിക്കോട്: സുപ്രഭാതം ദിനപത്രം വാര്‍ഷിക വരിക്കാരെ ചേര്‍ക്കല്‍ കാംപയിന്‍ വന്‍ വിജയമാക്കാന്‍ സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറാ യോഗം അഭ്യര്‍ഥിച്ചു.
സമസ്ത കേരള ജംഇയ്യത്തുല്‍ ഉലമായുടെ കീഴില്‍ ഇഖ്‌റഅ് പബ്ലിക്കേഷന്‍ പ്രസിദ്ധീകരിക്കുന്ന സുപ്രഭാതം ദിനപത്രം ഏഴാം വര്‍ഷത്തിലേക്ക് പ്രവേശിച്ചിരിക്കുകയാണ്. ഏഴ് എഡിഷനുകളും ലക്ഷക്കണക്കിനു വായനക്കാരുമുള്ള ദിനപത്രത്തിനു കൂടുതല്‍ വരിക്കാരെ ചേര്‍ത്തും വായനക്കാരെ സൃഷ്ടിച്ചും നടത്തുന്ന പ്രവര്‍ത്തനങ്ങളില്‍ സമസ്ത കേരള ജംഇയ്യത്തുല്‍ ഉലമയുടെയും കീഴ്ഘടകങ്ങളുടെയും മുഴുവന്‍ പ്രവര്‍ത്തകരും പങ്കാളികളാകണമെന്നും യോഗം അഭ്യര്‍ഥിച്ചു.
പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനായി.
പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. പ്രൊഫ. കെ. ആലിക്കുട്ടി മുസ്‌ലിയാര്‍ സ്വാഗതം പറഞ്ഞു.