വണ്ടൂര്‍: എളങ്കൂര്‍ മഞ്ചേരി റോഡിലെ നിരന്ന പറമ്പില്‍ തോടിലും പരിസരത്തുമായി ചാക്കില്‍ നിറച്ച കോഴി മാലിന്യം തള്ളുന്നു. സംഭവം ആവര്‍ത്തിച്ചിട്ടും ആരോഗ്യ വകുപ്പും പഞ്ചായത്തും നടപടിയെടുക്കുന്നില്ലെന്നു നാട്ടുകാര്‍. റോഡരുകിലും സമീപത്തെ തോടിലുമായിട്ടാണ് ഇരുപതിലേറെ പ്ലാസ്റ്റിക് ചാക്കുകളിലായി കോഴി മാലിന്യം തള്ളിയത്. റോഡിന്റെ അരികുകളില്‍ തള്ളിയ ചാക്കുകള്‍ വാഹനങ്ങള്‍ കയറി ചിതറികിടക്കുകയാണ്. മഴകൂടി പെയ്തതോടെ മൂക്കു പൊത്താതെ നടക്കാന്‍ വയ്യാത്ത അവസ്ഥയാണ്.
തോടിന്റെ താഴെ ഭാഗത്തു നാട്ടുകാര്‍ കുളിക്കാനും ഉപയോഗിച്ചിരുന്നു. എന്നാല്‍ മാലിന്യങ്ങള്‍ ഒഴുക്കിയതോടെ തോട് മുഴുവനും ഉപയോഗ ശൂന്യമായി.