റായ്ബറേയ്‌ലി: ബിജെപിയെ ഏതെങ്കിലും തരത്തില്‍ സഹായിക്കുന്നതിലും നല്ലത്‌ മരിക്കുന്നതാണെന്ന് കോണ്‍ഗ്രസ് നേതാവ് പ്രിയങ്കാ ഗാന്ധി. ബിജെപി വിരുദ്ധ വോട്ടുകള്‍ ഭിന്നിപ്പിക്കുന്നതിലൂടെ ബിജെപിയെ സഹായിക്കുകയാണ് കോണ്‍ഗ്രസ് ചെയ്യുന്നതെന്ന എസ്പി- ബിഎസ്പി മഹാ സഖ്യത്തിന്റെ ആരോപണത്തിന്റെ പശ്ചാത്തലത്തിലാണ് പ്രിയങ്കയുടെ പ്രതികരണം. ബിജെപിയുടെ നശീകരണ രാഷ്ട്രീയത്തെ സഹായിക്കുന്ന ഒരു കാര്യവും ജീവിതത്തിലൊരിക്കലും താന്‍ ചെയ്യില്ലെന്ന് പ്രിയങ്ക പറഞ്ഞു. യുപിയിലെ എല്ലാ കോണ്‍ഗ്രസ് സ്ഥാനാര്‍ഥികള്‍ക്കും ബിജെപി വോട്ടുകളില്‍ ഇടിവുണ്ടാക്കാന്‍ കഴിയുമെന്നും അവര്‍ വ്യക്തമാക്കി.