അരീക്കോട്: വിദ്യാര്‍ഥികള്‍ക്കും യുവാക്കള്‍ക്കും അശ്ലീല വീഡിയോകള്‍ വില്‍പന നടത്തുന്നയാളെ പൊലിസ് അറസ്റ്റ് ചെയ്തു. കാവനൂര്‍ സ്വദേശി തടായില്‍ നൗഷാദാണു അരീക്കോട് പൊലിസ് പിടിയിലായത്. അശ്ലീല ചിത്രങ്ങളും വീഡിയോകളും വിദ്യാര്‍ഥികള്‍ക്കു മൊബൈലിലും സി.ഡിയിലുമാക്കി നല്‍കുകയാണു ഇയാള്‍ ചെയ്തു വന്നിരുന്നതെന്നു പൊലിസ് പറഞ്ഞു.
നാട്ടുകാരുടെ പരാതിയുടെ അടിസ്ഥാനത്തില്‍ പൊലിസ് നടത്തിയ പരിശോധനയിലാണു പ്രതിയെ പിടി കൂടിയത്. കമ്പ്യൂട്ടറുകളും അനുബന്ധ ഉപകരണങ്ങളും പൊലിസ് പിടിച്ചെടുത്തിട്ടുണ്ട്. പ്രതിയെ നാളെ കോടതിയില്‍ ഹാജരാക്കും.