കണ്ണൂര്‍: തദ്ദേശസ്വയംഭരണ സ്ഥാപനങ്ങളിലെ ആരോഗ്യ അനുബന്ധ മേഖലകളില്‍ പ്രൊജക്ടുകള്‍ തയാറാക്കാനുളള ആശയങ്ങളെക്കുറിച്ച് ചര്‍ച്ച ചെയ്യുന്നതിനായി ആരോഗ്യവകുപ്പ് ശില്‍പശാല സംഘടിപ്പിച്ചു.
ബ്ലോക്ക്, ഗ്രാമപഞ്ചായത്ത് പ്രസിഡന്റുമാര്‍, ആരോഗ്യകാര്യ സ്ഥിരംസമിതി അധ്യക്ഷന്‍മാര്‍, ആശുപത്രി സൂപ്രണ്ടുമാര്‍, സി.എച്ച്.സി- പി.എച്ച്.സി മെഡിക്കല്‍ ഓഫിസര്‍മാര്‍ എന്നിവര്‍ക്കായാണ് ശില്‍പശാല. കലക്ടറേറ്റ് ഓഡിറ്റോറിയത്തില്‍ ജില്ലാ പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന്‍ കെ.പി ജയബാലന്‍ ഉദ്ഘാടനം ചെയ്തു.
ഡി.എം.ഒ ഡോ.പി.കെ ബേബി അധ്യക്ഷനായി. ഡോ.എന്‍.എന്‍ പമീലി വിഷയം അവതരിപ്പിച്ചു. ജില്ലാ ആര്‍.സി.എച്ച് ഓഫിസര്‍ ഡോ. പി.എം ജ്യോതി, ഡോ.ആര്‍ ശ്രീനാഥ് ക്ലാസെടുത്തു. ഡോ.എം.കെ ഷാജ് സ്വാഗതവും പി സുനില്‍ദത്തന്‍ നന്ദിയും പറഞ്ഞു.