ചെമ്മാട്: ദാറുല്‍ഹുദാ ഇസ്‌ലാമിക സര്‍വകലാശാല വിവിധ കോഴ്‌സുകളിലേക്ക് വിദ്യാര്‍ഥികളുടെ രക്ഷിതാക്കളില്‍നിന്ന് അപേക്ഷ ക്ഷണിച്ചു. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അഞ്ചാംതരം പാസായവരോ ഈ വര്‍ഷത്തെ പൊതുപരീക്ഷയില്‍ വിജയം പ്രതീക്ഷിക്കുന്നവരോ ആയ, മെയ് 25ന് പതിനൊന്നര വയസ് കവിയാത്ത ആണ്‍കുട്ടികള്‍ക്ക് ദാറുല്‍ഹുദായിലെയും പന്ത്രണ്ട് വയസ് കവിയാത്തവര്‍ക്ക് വിവിധ യു.ജി സ്ഥാപനങ്ങളിലെയും സെക്കന്‍ഡറി ഒന്നാം വര്‍ഷത്തിലേക്ക് അപേക്ഷിക്കാം.

സെക്കന്‍ഡറി, സീനിയര്‍ സെക്കന്‍ഡറി, ഡിഗ്രി, പി.ജിയടക്കം പന്ത്രണ്ട് വര്‍ഷത്തെ കോഴ്‌സാണ് ആണ്‍കുട്ടികള്‍ക്കായി ദാറുല്‍ഹുദാ വിഭാവനം ചെയ്യുന്നത്.

വാഴ്‌സിറ്റിക്കു കീഴിലുള്ള ഫാത്വിമ സഹ്‌റാ ഇസ്‌ലാമിക് വനിതാ കോളജിലേക്ക് സമസ്തയുടെ ഏഴാം ക്ലാസ് പൊതുപരീക്ഷ പാസായ, മെയ് 25ന് പതിമൂന്നര വയസ് കവിയാത്ത പെണ്‍കുട്ടികള്‍ക്കും അപേക്ഷിക്കാം. ആറു വര്‍ഷത്തെ കോഴ്‌സാണിത്.
സമസ്തയുടെ മൂന്നാം ക്ലാസ് പാസായ, മെയ് 25ന് ഒന്‍പത് വയസ് കവിയാത്ത ആണ്‍കുട്ടികള്‍ക്ക് വാഴ്‌സിറ്റിക്കു കീഴിലുള്ള മമ്പുറത്തെ സയ്യിദ് അലവി മൗലദ്ദവീല ഹിഫ്‌ളുല്‍ ഖുര്‍ആന്‍ കോളജിലേക്ക് അപേക്ഷിക്കാം. മുഴുവന്‍ കോഴ്‌സുകളിലേക്കും ദാറുല്‍ഹുദായുടെ ഔദ്യോഗിക വെബ്‌സൈറ്റായ ംംം.റവശൗ.ശി വഴി ഓണ്‍ലൈനായി അപേക്ഷിക്കണം. അപേക്ഷ സ്വീകരിക്കുന്ന അവസാന തിയതി റമദാന്‍ 20. സെക്കന്‍ഡറി പ്രവേശന പരീക്ഷ ജൂണ്‍ 10ന് വിവിധ കേന്ദ്രങ്ങളില്‍ നടക്കും. ഹിഫ്‌ള്, വനിതാ കോളജുകളിലേക്കുള്ള പ്രവേശന പരീക്ഷ 11ന് നടക്കും. വിശദ വിവരങ്ങള്‍ക്ക് 0494 2463155, 2464502,2460575, 8547290575 (ഹെല്‍പ് ലൈന്‍) എന്നീ നമ്പറുകളില്‍ ബന്ധപ്പെടാം.