മുംബൈ: സൂപ്പര്‍ ഓവര്‍ വരെ എത്തിയ ആവേശപ്പോരാട്ടത്തില്‍ സണ്‍റൈസേഴ്‌സിനെ വീഴ്ത്തി മുംബൈ. വിജയലക്ഷ്യമായ 163 റണ്‍സ് പിന്തുടര്‍ന്ന ഹൈദരാബാദ് നിശ്ചിത 20 ഓവറില്‍ ആറു വിക്കറ്റ് നഷ്ടത്തില്‍ 162 റണ്‍സെടുത്തതോടെയാണ് മത്സരം സൂപ്പര്‍ ഓവറിലെത്തിയത്.

ഹാര്‍ദിക്ക് എറിഞ്ഞ അവസാന ഓവറില്‍ ഹൈദരാബാദിന് ജയിക്കാന്‍ വേണ്ടത് 16 റണ്‍സ്. ഓവറിലെ അവസാന പന്തില്‍ മനീഷ് പാണ്ഡെ സിക്‌സ് നേടിയതോടെ മത്സരം ടൈ ആവുകയായിരുന്നു. തുടര്‍ന്ന സൂപ്പര്‍ ഓവറില്‍ ആദ്യം ബാറ്റ് ചെയ്ത ഹൈദരാബാദ് 2 വിക്കറ്റ് നഷ്ടത്തില്‍ എട്ടു റണ്‍സെടുത്തു.

മറുപടി ബാറ്റിങ്ഹില്‍ മുംബൈക്കായിറങ്ങിയ പൊളളാര്‍ഡും ഹാര്‍ദിക്കും ടീമിനെ വിജയത്തിലെത്തിക്കുകയായിരുന്നു.സണ്‍റൈസേഴ്‌സിനു വേണ്ടി മനീഷ് പാണ്ഡെ 71 റണ്‍സ് നേടിയിരുന്നു. ഓപ്പണറും ദക്ഷിണാഫ്രിക്കന്‍ താരവുമായ ക്വിന്റണ്‍ ഡികോക്കിന്റെ (69) അപരാജിത ഇന്നിങ്‌സാണ് മുംബൈയെ മികച്ച സ്‌കോറിലെത്തിച്ചത്. 58 പന്തുകള്‍ നേരിട്ട ഡികോക്ക് ആറു ബൗ@ണ്ടറികളും രണ്ട@ു സിക്‌സറുകളും കണ്ടെത്തി.