തിരുവനന്തപുരം: ലീഗ് എം.എല്‍.എ എം.സി ഖമറുദ്ദീന്‍ നടത്തിയ നിക്ഷേപത്തട്ടിപ്പില്‍ ഉന്നതതല അന്വേഷണം വേണമെന്ന് സംസ്ഥാന സര്‍ക്കാരിനോട് സി.പി.എം. ലീഗ് സംസ്ഥാന നേതൃത്വത്തിന്റെ അറിവോടെയാണ് തട്ടിപ്പെന്ന് സി.പി.എം ആരോപിച്ചു.
ലീഗ് നേതൃത്വത്തിന്റെ പ്രസ്താവന കുറ്റക്കാരെ രക്ഷപ്പെടുത്താനുള്ള നീക്കത്തിന്റെ ഭാഗമാണ്.
മഞ്ചേശ്വരം ഉപതെരഞ്ഞെടുപ്പ് സമയത്തുതന്നെ പരാതികള്‍ ഉയര്‍ന്നു വരികയും ഖമറുദ്ദീന്റെ സ്ഥാനാര്‍ഥിത്വം ഭാവിയില്‍ തിരിച്ചടിയാകുമെന്ന് ഒരു വിഭാഗം ലീഗ് നേതാക്കള്‍ മുന്നറിയിപ്പ് നല്‍കുകയും പ്രതിഷേധം ഉയര്‍ത്തുകയും ചെയ്തിരുന്നു.
എന്നാല്‍ ലീഗിന്റെ സംസ്ഥാന നേതൃത്വം ഖമറുദ്ദീന് പിന്നില്‍ ശക്തമായി നിലയുറപ്പിക്കുകയാണ് ചെയ്തതെന്നും സി.പി.എം ആരോപിച്ചു.