മട്ടന്നൂര്‍: കെ.എസ്.യു കോളജ് യൂനിറ്റു സെക്രട്ടറി മുസമ്മലിനു മര്‍ദനമേറ്റതിനു പിന്നാലെ ഇന്നലെ കെ.എസ്.യു മട്ടന്നൂര്‍ ബ്ലോക്ക് പ്രസിഡന്റിനു നേരെയും  അക്രമം. ആദര്‍ശ് മാങ്ങാട്ടിടത്തിനു നേരെയാണ് എസ്.എഫ്.ഐ പ്രവര്‍ത്തകരെന്ന് ആരോപിക്കുന്ന സംഘം അക്രമം നടത്തിയത്. ബൈക്കില്‍ വന്ന ആറംഗസംഘം എളമ്പാറയില്‍വച്ച്  മര്‍ദിച്ചുവെന്നാണ് പരാതി. സാരമായി പരുക്കേറ്റ ആദര്‍ശിനെ തലശേരി ഇന്ദിരാഗാന്ധി ആശുപത്രിയില്‍ പ്രവേശിപ്പിച്ചു.
ആദര്‍ശിനു നേരെയുണ്ടായ അക്രമത്തില്‍ പ്രതിഷേധിച്ചു മട്ടന്നൂര്‍ നിയോജക മണ്ഡലത്തിലെ  പാരലല്‍ കോളജ് ഉള്‍പ്പെടെയുള്ള മുഴുവന്‍  വിദ്യാഭാസ സ്ഥാപനങ്ങളിലും കെ.എസ്.യു ഇന്നു പഠിപ്പുമുടക്കുമെന്നു ജില്ലാ പ്രസിഡന്റ് സുദീപ് ജയിംസ് അറിയിച്ചു.