കൊല്‍ക്കത്ത: ലോകകപ്പിനൊരുങ്ങുന്ന ഇന്ത്യന്‍ വനിതാ ഫുട്‌ബോള്‍ ടീം ലക്ഷ്യത്തിലേക്കുള്ള യാത്ര തുടങ്ങി. ലോകകപ്പില്‍ പങ്കെടുക്കുന്ന ടീമിനെ കഴിഞ്ഞ ദിവസം പ്രഖ്യാപിച്ചു. 35 അംഗ ടീമിനെയാണ് കഴിഞ്ഞ ദിവസം എ.ഐ.എഫ്.എഫ് പ്രഖ്യാപിച്ചത്. കഴിഞ്ഞ ദിവസം അവസാനിച്ച വനിതാ ജൂനിയര്‍ ഫുട്‌ബോള്‍ ചാംപ്യന്‍ഷിപ്പിലെ പ്രകടനങ്ങള്‍ വിലയിരുത്തി ആദ്യ ലോകകപ്പ് സാധ്യതാ ടീമിനെയാണ് പ്രഖ്യാപിച്ചത്. ഈ താരങ്ങള്‍ക്ക് ഇനി വരുന്ന ഒരു വര്‍ഷം മികച്ച പരിശീലനം നല്‍കി അന്താരാഷ്ട്ര ടീമുകള്‍ക്ക് ഒപ്പം പിടിച്ചു നില്‍ക്കുന്ന ടീമാക്കി ഇന്ത്യന്‍ യുവനിരയെ മാറ്റുകയാണ് എ.ഐ.എഫ്.എഫ് ലക്ഷ്യമിടുന്നത്. മുന്‍പ് ഇന്ത്യന്‍ അ@ണ്ടര്‍ 19 ടീമിനെ പരിശീലിപ്പിച്ച മുന്‍ ഇന്ത്യന്‍ താരമായ അലക്‌സ് ആമ്പ്രോസ് ആണ് ടീമിന്റെ പരിശീലകന്‍. ഗോവയില്‍ നടക്കുന്ന ക്യാംപിന് ശേഷമായിരിക്കും അന്തിമ ടീമിനെ പ്രഖ്യാപിക്കുക.