കോടഞ്ചേരി: വേളംകോട് സെന്റ് ജോര്‍ജ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസിന്റെ നേതൃത്വത്തില്‍ സമാഹരിച്ച ദുരിതാശ്വാസ സഹായം പുതുപ്പാടി പഞ്ചായത്തിന്റ പുനരധിവാസ പാക്കേജിലേക്ക് സംഭാവന നല്‍കി.
എം.ഇ ജലീല്‍, മുജീബ് മാക്കണ്ടി, ഐ.സി റെജി, പി.കെ ഷൈജല്‍ എന്നിവര്‍ക്ക് പ്രിന്‍സിപ്പല്‍ എന്‍.എം മേരി തുക കൈമാറി. പഞ്ചായത്തിലെ ഉരുള്‍പൊട്ടല്‍ മേഖലയില്‍ വീട് നഷ്ടപ്പെട്ട ഒരു കുടുംബത്തിന്റെ ആറുമാസത്തെ വാടക ഇനത്തിലേക്കാണ് തുക വിനിയോഗിക്കുന്നത്. പി.ടി.എ പ്രസിഡന്റ് ഷിജി ആന്റണി, സിസ്റ്റര്‍ മരിയ തെരേസ്, ജിന്‍സ് ജോസ്, പി.എം സണ്ണി, ബിബിന്‍ സെബാസ്റ്റ്യന്‍ തുടങ്ങിയവര്‍ നേതൃത്വം വഹിച്ചു.
തിരുവമ്പാടി: ദുരിതാശ്വാസ നിധിയിലേക്ക് പഞ്ചായത്ത് സി.ഡി.എസ് അംഗങ്ങള്‍ 17 വാര്‍ഡുകളില്‍ നിന്നു പിരിച്ചെടുത്ത 1,48,100 രൂപ പ്രസിഡന്റ് പി.ടി അഗസ്റ്റിന് കൈമാറി.
വൈസ് പ്രസിഡന്റ് ഗീതാ വിനോദ്, ടോമി കൊന്നക്കല്‍, വിത്സണ്‍ ടി. മാത്യു, റംല ചോലക്കല്‍, സുഹറ മുസ്തഫ, ഗീതാ പ്രശാന്ത്, മോളി ജോണ്‍, മേഴ്‌സി ടോം, സാബിറ ജാഫര്‍, സുനിത ശിവന്‍, ഖദീജ അബ്ദുല്ല, മേഴ്‌സി പുളിക്കാട്ട്, ഇന്ദിര, രജനി ദിവാകരന്‍, മഞ്ജു സംസാരിച്ചു.