പുതുക്കാട്:  പ്രകടനത്തോടെയും പൊതുയോഗത്തോടെയും ജാനാധിപത്യ മഹിളാ അസോസിയേഷന്‍ കൊടകര ഏരിയ സമ്മേളനം സമാപിച്ചു.
പ്രകടനം ഇന്നലെ വൈകീട്ട് പുതുക്കാട് പൊലിസ് സ്റ്റേഷന്‍ പരിസരത്തു നിന്നാരംഭിച്ച് പുതുക്കാട് സെന്ററില്‍ സമാപിച്ചു. തുടര്‍ന്ന് നടന്ന പൊതുയോഗം അസോസിയേഷന്‍ ജില്ലാ പ്രസിഡന്റ് കെ.ആര്‍ വിജയ ഉദ്ഘാടനം ചെയ്തു.
കൊടകര എരിയ പ്രസിഡന്റ് മണി ഉണ്ണികൃഷ്ണന്‍ അധ്യക്ഷയായി.  സി.പി.എം കൊടകര ഏരിയ സെക്രട്ടറി ടി.എ രാമകൃഷ്ണന്‍,  ജില്ലാ പഞ്ചായത്ത് സ്ഥിരം സമിതി ചെയര്‍മാന്‍ കെ.ജെ ഡിക്‌സണ്‍, ടി.സി ഭാനുമതി, എം.എ ഫ്രാന്‍സിസ് എന്നിവര്‍ സംസാരിച്ചു.  അസോസിയേഷന്‍ കൊടകര ഏരിയ സെക്രട്ടറി അജിത രാധാകൃഷ്ണന്‍ സ്വാഗതവും, ട്രഷറര്‍ ഷീല മോഹനന്‍ നന്ദിയും പറഞ്ഞു.