കയ്പമംഗലം: കേരള സ്റ്റേറ്റ് സര്‍വ്വീസ് പെന്‍ഷനേഴ്‌സ് യൂനിയന്‍ മതിലകം ബ്ലോക്ക് യൂനിറ്റിന്റെ ആഭിമുഖ്യത്തില്‍ ഇരിങ്ങാലക്കുട എം.എല്‍.എ പ്രൊഫ. കെ.യു അരുണന്‍ മാസ്റ്റര്‍ക്ക് സ്വീകരണം നല്‍കി.
മതിലകം പെന്‍ഷന്‍ ഭവനില്‍ നടന്ന ചടങ്ങില്‍ സംഘടനാ സംസ്ഥാന കമ്മിറ്റി സെക്രട്ടറി വി.വി പരമേശ്വരന്‍ ഉദ്ഘാടനം ചെയ്തു. ബ്ലോക്ക് കമ്മറ്റി പ്രസിഡന്റ് എ.പവിഴം ടീച്ചര്‍ അധ്യക്ഷയായി. കയ്പമംഗലം എം.എല്‍.എ ഇ.ടി ടൈസന്‍ മാസ്റ്റര്‍ മുഖ്യാതിഥിയായി. ജില്ലാ കമ്മറ്റിയംഗം ഇ.എം കൃഷ്ണന്‍കുട്ടി, ബ്ലോക്ക് സെക്രട്ടറി പി.എ വേലായുധന്‍, ഇ.ആര്‍ കാര്‍ത്തികേയന്‍ മാസ്റ്റര്‍, സി.കെ ശങ്കരന്‍ എന്നിവര്‍ സംസാരിച്ചു. പ്രൊഫ. കെ.യു അരുണന്‍ സ്വീകരണത്തിന് നന്ദി പറഞ്ഞു.