കൊല്ലങ്കോട് : തെന്മലയിലെ വെള്ളച്ചാട്ടങ്ങള്‍ക്കടുത്ത് സുരക്ഷാ മുന്നറിയിപ്പുകള്‍ ഇല്ലാത്തത് അപകടങ്ങള്‍ വര്‍ദ്ധിക്കുവാന്‍ ഇടയാക്കുന്നു.
മഴക്കാലങ്ങളില്‍ തെന്മലയില്‍ സജീവമാകുന്ന വെള്ളച്ചാട്ടങ്ങള്‍ കാണുന്നതിന് പ്രാദേശികവും അല്ലാത്തതുമായ വിനോദ സഞ്ചാരികള്‍ എത്തുന്നത് പതിവാണെങ്കിലും വെള്ളച്ചാട്ടങ്ങള്‍ കാണുവാന്‍ എത്തുന്നവര്‍ക്ക് അപകടസ്ഥലങ്ങളില്‍ മുന്നറിയിപ്പ് ബോര്‍ഡുകള്‍ സ്ഥാപിക്കാത്തത് അപകടങ്ങള്‍ വര്‍ധിപ്പിക്കുന്നതായി നാട്ടുകാര്‍ ആരോപിക്കുന്നു.
സീതാര്‍കുണ്ട്, പലകപ്പാണ്ടി, നിന്നുകുത്തി തുടങ്ങിയ പതിമൂന്നിലധികം വെള്ളച്ചാട്ടങ്ങള്‍ സജീവമായ തെന്മലയില്‍ വിനോദ സഞ്ചാരികളെ നിയന്ത്രിക്കുന്നതിനും അപകടമുന്നറിയിപ്പ് ബോര്‍ഡുകള്‍ സ്ഥാപിക്കുന്നതിനും ആവശ്യമായ മുന്നറിയിപ്പുകള്‍ പൊലീസ്, വിനോദസഞ്ചാരം, വനം വകുപ്പുകള്‍ നടപടിയെടുക്കണമെന്നാണ് നാട്ടുകാരുടെ ആവശ്യം.