തിരുവനന്തപുരം: നന്മയുടെ വളര്‍ച്ചാ കേന്ദ്രമായ മദ്‌റസാ പ്രസ്ഥാനം മഹനീയ സമ്പ്രദായം ആണെന്നും അത് ആധുനികവും ശാസ്ത്രീയവും ആക്കി മാറ്റേണ്ടതാണെന്നും എ.എം നൗഷാദ് ബാഖവി ചിറയിന്‍കീഴ് പറഞ്ഞു.
സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ (എസ്.കെ.എം.എം.എ) തിരുവനന്തപുരം മേഖലാ കണ്‍വന്‍ഷന്‍ തിരുവനന്തപുരം സമസ്ത ജൂബിലി ബില്‍ഡിങ് ഓഡിറ്റോറിയത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് മുഫത്തിഷ് എസ്. അഹ്മദ് റഷാദി ചുള്ളിമാനൂര്‍ അധ്യക്ഷനായി. സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന സെക്രട്ടറി കെ.എം കുട്ടി എടക്കുളം മുഖ്യപ്രഭാഷണവും സമസ്ത ഓര്‍ഗനൈസര്‍ ഒ.എം ശരീഫ് ദാരിമി ആമുഖ പ്രഭാഷണവും നടത്തി.
സമസ്ത ജില്ലാ പ്രസിഡന്റ് ഷാജഹാന്‍ ദാരിമി, റെയ്ഞ്ച് ജംഇയ്യത്തുല്‍ മുഅല്ലിമിന്‍ പ്രസിഡന്റ് ബദ്‌റുദ്ദീന്‍ മുസ്‌ലിയാര്‍, ജനറല്‍ സെക്രട്ടറി പീര്‍മുഹമ്മദ്, എസ്.വൈ.എസ് ജില്ലാ ജനറല്‍ സെക്രട്ടറി ഷാനവാസ് മാസ്റ്റര്‍ പ്രസംഗിച്ചു.
മാനേജ്‌മെന്റ് അസോസിയേഷന്‍ തിരുവനന്തപുരം റെയ്ഞ്ച് ഭാരവാഹികളായി പി.എച്ച്.എം ഇഖ്ബാല്‍ (പ്രസി), ജഹാംഗീര്‍, കെ. ജഹാംഗീര്‍ (വൈസ് പ്രസിഡന്റുമാര്‍), ഹാഫിള് റഹ്മാന്‍ (ജനറല്‍ സെക്രട്ടറി), നസീര്‍ ഗസാലി, ശഹീര്‍ വാണിമേല്‍ (ജോയിന്റ് സെക്രട്ടറി), നിസാമുദ്ദീന്‍ (ട്രഷറര്‍) എന്നിവരെ തിരഞ്ഞെടുത്തു.