മനാമ: നാലുപതിറ്റാണ്ടു നീണ്ട പ്രവാസ ജീവിതം അവസാനിപ്പിച്ച് ബഹ്റൈനില്‍ നിന്നും നാട്ടിലെത്തിയ പ്രവാസി മലയാളി ക്വാറന്‍റൈന്‍ പൂര്‍ത്തിയാക്കി വീട്ടിലെത്തിയ ദിവസം കുഴഞ്ഞു വീണു മരിച്ചു. കണ്ണൂർ വളപട്ടണം സ്വദേശി പി.എം ഷഹീദ്​ (69) ആണ്​ മരണപ്പെട്ടത്​. ബഹ്റൈനില്‍ 42 വര്‍ഷം നീണ്ട പ്രവാസ ജീവിതം അവസാനിപ്പിച്ച് രണ്ടാഴ്ച മുന്പാണ് ഷഹീദ് നാട്ടിലെത്തിയത്. കണ്ണൂർ ധർമ്മശാലയിലെ ഒരു ഹോട്ടലിൽ മുറിയെടുത്ത് 14 ദിവസത്തെ ക്വാറൻറീൻ പൂർത്തിയാക്കി വെള്ളിയാഴ്​ച രാവിലെയാണ്​ വളപട്ടണത്തെ വീട്ടിലെത്തിയത്​. വൈകുന്നേരം വീട്ടുകാർക്കൊപ്പം സംസാരിച്ചിരിക്കെ കുഴഞ്ഞുവീഴുകയും മരണം സംഭവിക്കുകയുമായിരുന്നുവെന്നാണ് റിപ്പോര്‍ട്ട്. ബഹ്റൈനില്‍ റോയൽ ഹ്യൂമാനിറ്റേറിയൻ ഫൗണ്ടേഷൻ സെക്രട്ടറി ജനറൽ ഡോ. മുസ്​തഫ അൽ സഇൗദി​െൻറ ഡ്രൈവറായി ജോലി ചെയ്തു വരികയായിരുന്നു. 1978ല്‍ കപ്പല്‍ മാര്‍ഗമാണ് ഷഹീദ് ആദ്യമായി ബഹ്റൈനിലെത്തിയത്. സെൻട്രൽ മാർക്കറ്റിലെ അൽ ഷറഫ്​ ട്രേഡിങ്​ കമ്പനിയിൽ ഡ്രൈവറായിട്ടായിരുന്നു​ ആദ്യ ജോലി. 25ാം വയസ്സില്‍ ബഹ്റൈനിലെത്തിയ അദ്ധേഹം 25 വർഷം ഈ കന്പനിയയില്‍ ജോലി ചെയ്തു. പിന്നീടാണ്​ 2004ൽ റോയൽ ഹ്യൂമാനിറ്റേറിയൻ ഫൗണ്ടേഷനിൽ എത്തിയത്​. 60ാം വയസിൽ വിരമിക്കൽ പ്രായം ആയെങ്കിലും ഷഹീദിനോടുള്ള താൽപര്യം കാരണം തുടർന്നും ഇവിടെ ജോലിയിൽ നിലനിർത്തുകയായിരുന്നു. ഇതിനിടെ 2014ൽ മികച്ച ജീവനക്കാരനുള്ള പുരസ്​കാരം ശൈഖ്​ നാസർ ബിൻ ഹമദ്​ ആൽ ഖലീഫയിൽനിന്ന്​ ഏറ്റുവാങ്ങാനുള്ള ഭാഗ്യവുമുണ്ടായി. ബഹ്റൈനിലെത്തി മൂന്നാം വര്‍ഷം മുതല്‍ 20 വർഷത്തോളം കുടുംബം ഒപ്പമുണ്ടായിരുന്നു. പിന്നീട്​, മക്കളുടെ പഠനവും ജോലിയുമൊക്കെയായി ബന്ധപ്പെട്ട്​ കുടുംബം നാട്ടിലേക്ക്​ പോയി.ഭാര്യ: റസിയ. മക്കൾ: നജിത, നാസിയ, നബീലു. സഹോദരങ്ങൾ: പി.എം ഇബ്രാഹിം, പി.എം മുഹമ്മദ്​ റാഫി