ന്യൂഡല്‍ഹി: ആം ആദ്മി പാര്‍ട്ടിയില്‍ നിന്ന് നേതാക്കളെ വിലക്ക് വാങ്ങാന്‍ കഴിയില്ലെന്ന് അരവിന്ദ് കെജ്‌രിവാള്‍. എ.എ.പിയിലെ 14 എം.എല്‍.എമാര്‍ക്ക് ബി.ജെ.പിയുമായി ബന്ധമുണ്ടെന്ന കേന്ദ്ര മന്ത്രി വിജയ് ഗോയലിന്റെ പ്രസ്താവനക്ക് മറുപടിയായാണ് പ്രതികരണം.

എത്രയാണ് നിങ്ങള്‍ അവര്‍ക്ക് നല്‍കുന്നതെന്നും അവര്‍ എത്ര ആവശ്യപ്പെട്ടെന്നും കെജ്‌രിവാള്‍ ചോദിക്കുന്നു. പ്രതചിപക്ഷ പാര്‍ട്ടികളെ എം.എല്‍.എമാരെ വിലക്കു വാങ്ങിയാണോ മോദിജി സംസ്ഥാനങ്ങളില്‍ സര്‍ക്കാര്‍ രൂപീകരിച്ചത്. ഇതാണോ നിങ്ങളുടെ കണക്കില്‍ ജനാധിപത്യം. എം.എല്‍.എമാരെ വാങ്ങാനിള്ള പണം എവിടുന്നാണ് കൊണ്ടുവരുന്നത് - ട്വീറ്റില്‍ കെജ്‌രിവാള്‍ ചോദിച്ചു.

കഴിഞ്ഞ ദിവസമായിരുന്നു മന്ത്രി വിജയ് ഗോയലിന്റെ പ്രസ്താവന. 14 എ.എ.പി എം.എല്‍.എ മാര്‍ പാര്‍ട്ടി വിടാന്‍ ആഗ്രഹിക്കുന്നുണ്ട്. പാര്‍ട്ടി നേരത്തെ മുന്നോട്ടു വച്ച ആശയങ്ങളില്‍ നിന്ന് വ്യതിചലിച്ചതാണ് കാരണം. എന്നാല്‍ ബി.ജെ.പി ഇവരെയൊന്നും വാങ്ങാന്‍ പോവുന്നില്ല എന്നായിരുന്നു വിജയ് ഗോയലിന്റെ പ്രസ്താവന.