തൃശൂര്‍: യുവതിയെ പല തവണ ഭീഷണിപ്പെടുത്തി പീഡിപ്പിച്ചെന്ന കേസില്‍ ഡിവൈഎഫ്‌ഐ നേതാവും സുഹൃത്തും അറസ്റ്റില്‍. ചാലക്കുടി ഡിവൈഎസ്പിയും സംഘവുമാണ് ഇവരെ അറസ്റ്റ് ചെയ്തത്.
മറ്റത്തൂര്‍ ഡി.വൈ.എഫ്.ഐ ബ്ലോക്ക് സെക്രട്ടറി എം.എ ശ്രീകാന്തും സുഹൃത്ത് സന്ദീപുമാണ് അറസ്റ്റിലായത്.
ഇരുവര്‍ക്കും പരിചയമുളള യുവതിയെയാണ് ഭീഷണിപ്പെടുത്തി പലതവണ പീഡിപ്പിച്ചതായാണ് പരാതി. യുവതി കൊരട്ടി പൊലിസിനാണ് പരാതി നല്‍കിയിരുന്നത്. ഇതിന്റെ അടിസ്ഥാനത്തിലാണ് അറസ്റ്റ്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.