തിരുവനന്തപുരം: മഞ്ചേരി സര്‍ക്കാര്‍ മെഡിക്കല്‍ കോളജിലെ 100 എം.ബി.ബി.എസ് സീറ്റുകള്‍ക്ക് മെഡിക്കല്‍ കൗണ്‍സില്‍ ഓഫ് ഇന്ത്യയുടെ (എം.സി.ഐ) സ്ഥിരാംഗീകാരം ലഭിച്ചതായി മന്ത്രി കെ.കെ ശൈലജ അറിയിച്ചു. മെഡിക്കല്‍ കോളജിന് സ്ഥിരാംഗീകാരം ലഭിച്ചതോടെ ഇനി മുതല്‍ ഓരോ അഡ്മിഷന് മുന്‍പും എം.സി.ഐ പരിശോധന ഉണ്ടാകില്ല. പകരം അഞ്ച് വര്‍ഷത്തിലൊരിക്കല്‍ മാത്രമാണ് പരിശോധനകള്‍ നടത്തി സൗകര്യങ്ങള്‍ വിലയിരുത്തുക.