കോട്ടയം: കെവിനെ കൊലപ്പെടുത്താന്‍ പ്രതികള്‍ നേരത്തെ തീരുമാനിച്ചതിന് കൂടുതല്‍ തെളിവുകള്‍ ഹാജരാക്കി പ്രോസിക്യൂഷന്‍. കോട്ടയം പ്രിന്‍സിപ്പല്‍ സെഷന്‍സ് കോടതിയില്‍ ഇന്നലെ നടന്ന വിസ്താരത്തിനിടെയാണ് പ്രോസിക്യൂഷന്‍ തെളിവുകള്‍ ഹാജരാക്കിയത്.
ഒന്നാംപ്രതി ഷാനു ചാക്കോ ഒളിവില്‍ താമസിച്ച കണ്ണൂരിലെ വീടിന്റെ അയല്‍വാസി സന്തോഷ് ഷാനുവിനെ തിരിച്ചറിഞ്ഞു. കേസിലെ മഹസര്‍ സാക്ഷി കൂടിയാണ് സന്തോഷ്. കെവിന്‍ കൊല്ലപ്പെട്ട ശേഷം ഒളിവില്‍പോയ നാലുപ്രതികള്‍ താമസിച്ച കുമളിയിലെ ഹോംസ്റ്റേ നടത്തിപ്പുകാരനെയും കോടതി വിസ്തരിച്ചു. വിഷ്ണു, നിഷാദ്, ഷിനു, ഷെഫിന്‍ എന്നിവരെ നടത്തിപ്പുകാരന്‍ ജിനദേവനും തിരിച്ചറിഞ്ഞു. ഇതോടെ സാക്ഷിവിസ്താരത്തിന്റെ ആദ്യഘട്ടം പൂര്‍ത്തിയായി. അടുത്തഘട്ടം ഈ മാസം 13ന് തുടങ്ങും.