ചണ്ഡിഗഢ്: പഞ്ചാബിലെ പാകിസ്താനുമായുള്ള അതിര്‍ത്തിയില്‍നിന്ന് ആയുധങ്ങളടങ്ങിയ ബാഗ് കണ്ടെത്തിയെന്ന് സൈന്യം.
മൂന്ന് എ.കെ 47 തോക്കുകള്‍, രണ്ട് എം 16 റൈഫിളുകള്‍ എന്നിവയടങ്ങിയ ബാഗാണ് കണ്ടെത്തിയതെന്ന് ബി.എസ്.എഫ് അധികൃതര്‍ വ്യക്തമാക്കി. പഞ്ചാബിലെ ഫിറോസ്പൂര്‍ ജില്ലയിലെ അതിര്‍ത്തിയില്‍ ഒരു കൃഷിയിടത്തില്‍നിന്ന് ഇന്നലെ രാവിലെയാണ് ഇവ കണ്ടെടുത്തത്.
ഇവയുടെ കൂടെ വെടിയുണ്ടകളും വെടിമരുന്നും പിസ്റ്റളുകളും കണ്ടെടുത്തിട്ടുണ്ട്.
പാകിസ്താനില്‍നിന്ന് എത്തിച്ചതാകാം ഇവയെന്നാണ് നിഗമനമെന്നാണ് സൈന്യം വ്യക്തമാക്കുന്നത്. സംഭവത്തില്‍ അന്വേഷണം പ്രഖ്യാപിച്ചിട്ടുണ്ട്.