കല്‍പ്പറ്റ: മുളങ്കുറ്റിയില്‍ നാലാം വയസ് മുതല്‍ നിക്ഷേപിച്ച നാണയങ്ങള്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി ടി.കെ മുഹമ്മദ് സിനാന്‍. മുളങ്കുറ്റിയുമായി കലക്ടറേറ്റിലെത്തി കൊച്ചു നിക്ഷേപം ജില്ലാ കലക്ടര്‍ എ.ആര്‍ അജയകുമാറിനേയും സബ് കലക്ടര്‍ എന്‍.എസ്.കെ ഉമേഷിനേയും ഏല്‍പ്പിക്കുകയായിരുന്നു. മുട്ടില്‍ ഡബ്ല്യു.എം.ഒ ഇംഗ്ലീഷ് അക്കാദമി ഏഴാം ക്ലാസ് വിദ്യാര്‍ഥിയും കല്‍പ്പറ്റ ചാത്തോത്ത്‌വയല്‍ താമസിക്കുന്ന ടി.കെ റിയാസ് പി. ഷെമീന ദമ്പതികളുടെ മകനുമാണ് സിനാന്‍.