കൊച്ചി: പുതിയ സീസണിനായി അടിമുടി മാറ്റം വരുത്തി ഒരുങ്ങുന്ന കേരളാ ബ്ലാസ്റ്റേഴ്‌സിലേക്ക് പുതിയൊരു മലയാളി താരം കൂടി എത്തുന്നു. പ്രവാസി മലയാളിയായ സയീദ് ബിന്‍ വലീദ് ആണ് കേരള ബ്ലാസ്റ്റേഴ്‌സുമായി കരാറില്‍ എത്തിയിരിക്കുന്നത്. കോഴിക്കോട് സ്വദേശിയായ സയീദ് യു.എ.ഇയില്‍ മികച്ച പ്രകടനം നടത്തുന്ന താരമാണ്. സയീദിന് 17 വയസാണുള്ളത്.
മധ്യനിരയിലും മിഡ്ഫീല്‍ഡിലും കളിക്കുന്ന താരം അറ്റാക്കിങ് മിഡ്ഫീല്‍ഡറുടെ റോളിലും കളിക്കുന്ന താരമാണ്. വലീദ് കൂടി ബ്ലാസ്റ്റേഴ്‌സിലെത്തിയാല്‍ സഹല്‍ അബ്ദുല്‍ സമദിന് മിഡ്ഫീല്‍ഡില്‍ ഒരു മികച്ച പങ്കാളിയാകും. ഇന്ത്യയുടെ അണ്ട@ര്‍ 17 ലോകകപ്പ് ടീമിന്റെ പ്രാഥമിക ക്യാംപില്‍ സയീസ് ഉണ്ട@ായിരുന്നെങ്കില്‍ അന്തിമ ടീമില്‍ ഇടം നേടാനായിരുന്നില്ല.കോഴിക്കാട് സ്വദേശി ആണെങ്കിലും പഠിച്ചതും വളര്‍ന്നതുമെല്ലാം വിദേശത്തായിരുന്നു. അബൂദബി മാഞ്ചസ്റ്റര്‍ യുനൈറ്റഡ് സ്‌കൂളില്‍ പഠിച്ച സയീദ്, അല്‍ ഇത്തിഹാദ് സ്‌പോര്‍ട്‌സ് അക്കാദമിക്കും അല്‍ ജസീറ എഫ് സിക്കും വേണ്ടി ബൂട്ട് കെട്ടിയിട്ടുണ്ട്.