ഗുരുവായൂര്‍: തുര്‍ക്കിയില്‍ നടന്ന അന്താരാഷ്ട്ര സ്‌കൂള്‍ മീറ്റില്‍ ഹൈജംപില്‍ വെങ്കല മെഡല്‍ ജേതാവായ കെ.എസ് അനന്തുവിന് ഗുരുവായൂരില്‍ ആവേശ്വോജ്വല സ്വീകരണം.
ഗുരുവായൂര്‍ ശ്രീകൃഷ്ണ ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥിയായ അനന്തുവിന് സഹപാഠികളും നഗരസഭ അധികാരികളും ചേര്‍ന്നാണ് സ്വീകരണമൊരുക്കിയത്. കിഴക്കെ നടയിലെ റെയില്‍വേ ഗേറ്റിനു സമീപത്തു നിന്നും തുറന്ന ജീപ്പില്‍ അനന്തുവിനേയും കോച്ച് നെല്‍സണ്‍ മാസ്റ്ററേയും നഗരസഭ ഓഫിസിനു മുന്നിലേക്ക് ആനയിച്ചു.
തുടര്‍ന്ന് നഗരസഭ ചെയര്‍പേഴ്‌സണ്‍ പ്രൊഫ. പി.കെ ശാന്തകുമാരി ഇരുവരേയും പൊന്നാടയണിയിച്ച് അനുമോദിച്ചു. വൈസ് ചെയര്‍മാന്‍ കെ.പി വിനോദ്, സ്റ്റാന്റിങ് കമ്മിറ്റി ചെയര്‍മാന്മാരായ സുരേഷ് വാര്യര്‍, എം.രതി, നിര്‍മ്മല കേരളന്‍, മുനിസിപ്പല്‍ കൗണ്‍സിലര്‍മാര്‍ സംബന്ധിച്ചു.