കമ്പളക്കാട്: പറളിക്കുന്ന് പ്രജോഷിന്റെ വീട്ടില്‍ മോഷണം നടത്തിയ കേസില്‍ പ്രതികളെ വീട്ടിലെത്തിച്ച് പൊലിസ് തെളിവെടുത്തു.
പറളിക്കുന്ന് സ്വദേശിയും പ്രജോഷിന്റെ അയല്‍വാസിയുമായ തുളസി ദാസ്, കാസര്‍ഗോട് സ്വദേശിയായ തോമസ് എന്നിവരേയാണ് സംഭവത്തില്‍ കമ്പളക്കാട് പൊലിസ് അറസ്റ്റ് ചെയ്തിരുന്നത്. സ്വര്‍ണാഭരണവും പണവും വിദേശ കറന്‍സിയുമാണ് പ്രതികള്‍ വീട്ടില്‍ നിന്ന് മോഷ്ടിച്ചിരുന്നത്. അടുക്കള വാതില്‍ കുത്തിത്തുറന്നാണ് പ്രതികള്‍ വീട്ടില്‍ കയറിയത്. ജില്ലയിലെ നിരവധി മോഷണ കേസുകളിലും തട്ടിപ്പു കേസുകളിലും പ്രതിയാണ് തുളസിദാസ്. കമ്പളക്കാട് എസ്.ഐ അജേഷ് കുമാര്‍, എ.എസ്.ഐ ആന്റണി എന്നിവരുടെ നേതൃത്വത്തിലായിരുന്നു കേസന്വേഷണം.