വെള്ളിക്കുളങ്ങര: സ്റ്റേഷനറി പലചരക്കു കടയില്‍ മോഷണ ശ്രമം. കിഴക്കേ കോടാലി വിരുത്തിപ്പറമ്പില്‍ പ്രഭാകരന്റെ കടയിലാണ് മോഷണ ശ്രമം നടന്നത്. കടയില്‍ നിന്നും ഒന്നും നഷ്ടപ്പെട്ടിട്ടില്ലെന്നു പൊലിസ് പറഞ്ഞു. പിന്‍വശത്തെ ചുമര് തുരന്നു അകത്തു കയറിയ കള്ളന്‍ പണ മേശ താക്കോല്‍ ഉപയോഗിച്ചു തുറന്നിട്ടുണ്ട്.
എന്നാല്‍ പണം സൂക്ഷിച്ചിട്ടില്ലാത്തതിനാല്‍ കിട്ടിയില്ല. മോഷ്ടാവിന്റേതെന്നു കരുതുന്ന ഒരു ഹെഡ് ലൈറ്റും, എമര്‍ജന്‍സി ലാമ്പും കടയുടെ പുറകിലെ വളപ്പില്‍ ഉപേക്ഷിച്ച നിലയില്‍ കണ്ടെത്തി. കൊടകര സി.ഐ സി.സുമേഷ്, വെള്ളിക്കുളങ്ങര എസ്.ഐ എം.ബി സിബിന്‍ എന്നിവര്‍ സ്ഥലത്തെത്തി.