കറാച്ചി: പാകിസ്താനില്‍ ശീഈ വിഭാഗത്തിനെതിരേ വന്‍ പ്രക്ഷോഭം. കറാച്ചിയിലാണ് പ്രതിഷേധം നടന്നത്. രാജ്യത്തെ ശീഈ നേതാക്കള്‍ മതനിന്ദ നടത്തിയെന്നാരോപിച്ചാണ് പ്രതിഷേധം. കഴിഞ്ഞ മാസം നടന്ന അശൂറാ ചടങ്ങില്‍ വെച്ച് ശീഈ മതനേതാക്കള്‍ ഇസ്‌ലാമിക നേതാക്കളെക്കുറിച്ച് നടത്തിയ പ്രസ്താവനകളാണ് വിവാദത്തിലായത്. ടെലിവിഷനിലൂടെ സംപ്രേഷണം ചെയ്ത അശൂറാ ചടങ്ങില്‍ മതനേതാക്കള്‍ ഇസ്‌ലാമിനെ അവഹേളിച്ചുവെന്നാണ് ആരോപണം. എ.എഫ്.ഫി റിപ്പോര്‍ട്ട് പ്രകാരം 30,000 പേരാണ് പ്രതിഷേധത്തിനായി തെരവുകളിലിറങ്ങിയത്.