കാഞ്ഞങ്ങാട്: കഴിഞ്ഞ ദിവസമുണ്ടായ ശക്തമായ കാറ്റിലും മഴയിലും വീടിന്റെ മേല്‍ക്കൂര തകര്‍ന്നു. കൊത്തിക്കാല്‍ കടപ്പുറത്തെ ചന്ദ്രികയുടെ ഓടുമേഞ്ഞ വീടിന്റെ മേല്‍ക്കൂരയാണ് തകര്‍ന്നത്.  വീട്ടിനകത്തുണ്ടായിരുന്ന  ചന്ദ്രികയും കുടുംബാംഗങ്ങളും മേല്‍ക്കൂര തകരുന്ന ശബ്ദം കേട്ടു പുറത്തേക്ക് ഓടി രക്ഷപ്പെടുകയായിരുന്നു.
ചന്ദ്രികയേയും കുടുംബത്തേയും  ബന്ധുവീട്ടിലേക്കു മാറ്റിപ്പാര്‍പ്പിച്ചിരിക്കുകയാണ്. വിവരമറിഞ്ഞ് അജാനൂര്‍ പഞ്ചായത്ത് പ്രസിഡന്റ് പി  ദാമോദരന്റെ നേതൃത്വത്തിലുള്ള ജനപ്രതിനിധികളും റവന്യൂ ഉദ്യോഗസ്ഥരും സ്ഥലം സന്ദര്‍ശിച്ചു.
മൂന്നു ലക്ഷം രൂപയുടെ നഷ്ടം കണക്കാക്കുന്നു.