മക്ക: പരിമിതമായ തീർത്ഥാടകരുമായി ആഭ്യന്തര ഉംറ ഉടൻ അനുവദിക്കുമെന്ന് റിപ്പോർട്ട്. ഘട്ടം ഘട്ടമായി ഉംറ സർവ്വീസ് പൂർണ്ണമായും പുനസ്ഥാപിക്കുന്നതിന്റെ ഭാഗമായാണ് ആദ്യ ഘട്ടത്തിൽ പരിമിതമായ തീർത്ഥാടകരുമായി ആഭ്യന്തര ഉംറ ആരംഭിക്കുന്നത്. വിവിധ കേന്ദ്രങ്ങളെ ഉദ്ധരിച്ച് സഊദി പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. തീർത്ഥാടനത്തിന് തയ്യാറാകുന്നവർക്ക് പ്രത്യേക മൊബൈൽ ആപ്പ് വഴി പെർമിറ്റ് എടുക്കേണ്ടി വരും. തുടർന്ന് ഇതിൽ തന്നെ സമയ ക്രമീകരണവും ഓരോ തീർത്ഥാടകനും ലഭ്യമാകും.