ബാങ്കോക്ക്: സുരക്ഷാ ഉദ്യോഗസ്ഥയെ ജീവിതസഖിയാക്കി ലോകത്തെ വിസ്മയിപ്പിച്ച തായ്‌ലാന്‍ഡ് രാജാവ് മഹാ വജിരലോങ്കോണ്‍ രാജാവായി ഔദ്യോഗികമായി സ്ഥാനമേറ്റു.
66കാരനായ തായ് രാജാവ് വിവാഹത്തിന് ശേഷം യുവതിക്ക് സുതിഡ രാജ്ഞി എന്ന് നാമകരണം ചെയ്യുകയായിരുന്നു. പിതാവായ ഭൂമിബോല്‍ അതുല്യതേജിന്റെ മരണത്തോടെയാണ് വജിരലോങ്കോണ്‍ രാജാവായി അധികാരമേല്‍ക്കുന്നത്. രാമ പത്താമന്‍ എന്ന പേരിലാണ് വജിരലോങ്കോണ്‍ അറിയപ്പെടുന്നത്.
ബ്രാഹ്മണ, ബുദ്ധമത ആചാരങ്ങള്‍ പ്രകാരമായിരുന്നു കീരീടധാരണം നടന്നത്. നേരത്തെ മൂന്ന് വിവാഹങ്ങള്‍ കഴിച്ചിട്ടുള്ള രാജാവ് മൂന്ന് പേരെയും വിവാഹമോചനം ചെയ്തിരുന്നു.