ഊട്ടി: ടൗണില്‍ അമിത വേഗതയില്‍ ബൈക്കോടിച്ച വിദ്യാര്‍ഥികളെ അധികൃതര്‍ പിടികൂടി പിഴയിട്ടു.  
ഊട്ടി ബോട്ടാണിക്കല്‍ ഗാര്‍ഡന്‍ റോഡിലൂടെ അമിത വേഗതയില്‍ ബൈക്കില്‍ സഞ്ചരിച്ച 18 വയസ് തികയാത്ത വിദ്യാര്‍ഥികളെയാണ് അധികൃതര്‍ പിടികൂടിയത്. ഇന്നലെ നടന്ന പരിശോധനയില്‍ അഞ്ചു വിദ്യാര്‍ഥികളാണ് പിടിയിലായത്. ഇവര്‍ ആയിരം രൂപ വീതമാണ് പിഴയിട്ടത്. അപകടങ്ങള്‍ വര്‍ധിച്ച സാഹചര്യത്തില്‍ വരും ദിവസങ്ങളിലും പരിശോധന ശക്തമാക്കുമെന്നും അധികൃതര്‍ അറിയിച്ചു.