ലഖ്‌നൗ: റായ്ബറേലിയിലും അമേത്തിയിലും ബി.എസ്.പി-എസ്.പി മഹാസഖ്യത്തിന്റെ പിന്തുണ കോണ്‍ഗ്രസിന്. ഈ രണ്ട് മണ്ഡലങ്ങളിലും കോണ്‍ഗ്രസിന് വോട്ട് ചെയ്യണമെന്ന് ബി.എസ്.പി അധ്യക്ഷ മായാവതിയാണ് പ്രവര്‍ത്തകരോട് ആവശ്യപ്പെട്ടത്.
അമേത്തിയില്‍ നിന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും റായ്ബറേലിയില്‍ സോണിയ ഗാന്ധിയുമാണ് മത്സരിക്കുന്നത്. ബി.എസ്.പിക്ക് കോണ്‍ഗ്രസും ബി.ജെ.പിയും ഒരുപോലെയാണെന്ന് മായാവാതി പ്രസ്താവനയില്‍ പറഞ്ഞു. കോണ്‍ഗ്രസുമായി ഒരു സഖ്യവുമുണ്ടാക്കിയിട്ടില്ലെങ്കിലും ബി.ജെ.പിയെ പരാജയപ്പെടുത്തുന്നതിനായാണ് മഹാസഖ്യം അമേത്തിയിലും റായ്ബറേലിയിലും കോണ്‍ഗ്രസിന് വോട്ട് ചെയ്യുന്നത്. നാലാം ഘട്ട തെരഞ്ഞെടുപ്പില്‍ ജനപിന്തുണ എസ്.പിക്കും ബി.എസ്.പിക്കുമാണ്. ഇത് ബി.ജെ.പിയെ അസ്വസ്ഥരാക്കുന്നു.
മഹാസഖ്യം കേന്ദ്രത്തില്‍ പുതിയ പ്രധാനമന്ത്രിയെ കൊണ്ടുവരുമെന്ന് മാത്രമല്ല, ഉത്തര്‍പ്രദേശില്‍ പുതിയ സര്‍ക്കാരിനെയുമുണ്ടാക്കും. മെയ് 23ന് ഇന്ത്യ ഏകാധിപത്യ, അംഹംഭാവ ഭരണത്തില്‍ നിന്ന് സ്വതന്ത്ര്യമാവുമെന്ന് മായാവതി പറഞ്ഞു.