സൗതാംപ്റ്റണ്‍: നാലാം ടെസ്റ്റിന്റെ ആദ്യ ഇന്നിങ്‌സില്‍ ഇന്ത്യയെ 273 റണ്‍സിന് പുറത്താക്കി രണ്ടാമിന്നിങ്‌സ് ബാറ്റിങിനിറങ്ങിയ ഇംഗ്ലണ്ടിന് 178 റണ്‍സ് ചേര്‍ക്കുന്നതിനിടെ ആറ് വിക്കറ്റ് നഷ്ടപ്പെട്ടു. ആറ് വിക്കറ്റ് നഷ്ടത്തില്‍ 231 റണ്‍സാണ് ഇംഗ്ലണ്ടിന്റെ സമ്പാദ്യം. ഇതോടെ ഇംഗ്ലണ്ട് 204 റണ്‍സിന്റെ ലീഡ് സ്വന്തമാക്കി.
68 റണ്‍സുമായി ജോസ് ബ്ടലറും 21 റണ്‍സുമായി സാം കറനുമാണ് ക്രീസില്‍. ഒരു ഘട്ടത്തില്‍ തകര്‍ച്ചയിലായിരുന്ന ഇംഗ്ലണ്ടിനെ വൈസ് ക്യാപ്റ്റന്‍ ജോസ് ബട്‌ലറും സാംകറനും കൂടിയാണ് ഭേതപ്പെട്ട സ്‌കോറിലേക്ക് നയിച്ചത്. ഇംഗ്ലണ്ടിന് വേണ്ടി ക്യാപ്റ്റന്‍ ജോ റൂട്ട് 48 റണ്‍സ് നേടി. കീറ്റണ്‍ ജെന്നിങ്‌സ് (36), അലൈസ്റ്റര്‍ കുക്ക് (12), ജോണി ബൈര്‍‌സ്റ്റോവ് (0), മോയിന്‍ അലി (9) എന്നിവരാണ് പുറത്തായ മറ്റു സ്‌കോറര്‍മാര്‍. ഇന്ത്യക്ക് വേണ്ടി മുഹമ്മദ് ഷമി രണ്ടും ഇഷാന്ത് ശര്‍മ, അശ്വിന്‍, ബുംറ എന്നിവര്‍ ഒരോ വിക്കറ്റും സ്വന്തമാക്കി.