ശ്രീനഗര്‍: കശ്മിരിലെ ബി.ജെ.പി നേതാവ് ഭീകരരുടെ വെടിയേറ്റ് കൊല്ലപ്പെട്ടു. തെക്കന്‍ കശ്മിരിലെ നേതാവായ ഗുല്‍ മുഹമ്മദ് മിര്‍ (60) ആണ് കൊല്ലപ്പെട്ടത്. അനന്ത്‌നാഗ് ജില്ലയിലെ നൗഗാം ഗ്രാമത്തിലായിരുന്നു സംഭവം. മുഹമ്മദിന്റെ നെഞ്ചിലും വയറിനും വെടിയേറ്റെന്നും ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ലെന്നും പൊലിസ് അറിയിച്ചു. തെക്കന്‍ കശ്മിരിലെ ബി.ജെ.പി ഭാരവാഹിയായിരുന്ന മുഹമ്മദ് 2008 ലും 2014 ലും നിയമസഭാ തെരഞ്ഞെടുപ്പില്‍ മത്സരിച്ചിരുന്നു.