രാജ്‌കോട്ട്: ദലിതര്‍ ബി.ജെ.പിയെ പാഠം പഠിപ്പിക്കുമെന്ന് ഡല്‍ഹി മുഖ്യമന്ത്രി കെജ്‌രീവാള്‍.പശുവിനെ കൊന്ന് തൊലിയുരിഞ്ഞെന്ന് ആരോപിച്ച് നാലു ദലിത് യുവാക്കളെ മര്‍ദിച്ച ഗുജറാത്തിലെ ഉനയില്‍ സന്ദര്‍ശനം നടത്തിയപ്പോഴാണ് കെജ്‌രിവാള്‍ ഇക്കാര്യം പറഞ്ഞത്.

ഗുജറാത്തിലെ ബി.ജെ.പി സര്‍ക്കാര്‍ ദലിത് വിരുദ്ധരാണ്. അവര്‍ ദലിതരെ അടിച്ചമര്‍ത്തുകയാണ്. ആരെയാണോ ബി.ജെ.പി അടിച്ചമര്‍ത്തുന്നത് അവര്‍ തന്നെ പാര്‍ട്ടിയെ ഒരു പാഠം പഠിപ്പിക്കുമെന്നും അദ്ദേഹം പറഞ്ഞു.

അതിക്രമത്തില്‍ ദലിതുകളുടെ പ്രതിഷേധത്തിനിടെ പൊലിസുകാരന്‍ കൊല്ലപ്പെട്ട സംഭവത്തില്‍ അറസ്റ്റിലായ യുവാവിനെയും കെജ്‌രീവാള്‍ സന്ദര്‍ശിച്ചു. രാജ്‌കോട്ട് സിവില്‍ ഹോസ്പിറ്റലില്‍ ചികിത്സയില്‍ കഴിയുന്ന ദലിത് യുവാവിനെയാണ് അദ്ദേഹം സന്ദര്‍ശിച്ചത്.