റിയാദ്: ഐക്യ രാഷ്ട്ര സഭയുടെ കീഴിൽ ടൂറിസത്തിന് വേണ്ടിയുള്ള യുണൈറ്റഡ് നാഷൻസ് വേൾഡ് ടൂറിസം ഓർഗനനൈസേഷൻ (യുഎൻഡബ്ള്യുടിഒ) യുടെ മേഖലാ ആസ്ഥാനം സഊദിയിൽ വരുന്നു. റീജിയനൽ ഓഫീസ് സഊദി തലസ്ഥാന നഗരിയായ റിയാദിൽ സ്ഥാപിക്കാൻ സഊദിയും ഐക്യ രാഷ്ട്ര ലോക വിനോദ സഞ്ചാര സംഘടന അംഗീകാരം നൽകി. കൊവിഡ് മഹാമാരി മൂലം പ്രതിസന്ധിയിലായ മിഡിൽ ഈസ്റ്റിലെ വിനോദ സഞ്ചാര മേഖലയെ കൈപിടിച്ചുയർത്തുന്നതിലുള്ള ശ്രമഫലമായാണ് റിയാദിൽ മേഖല ഓഫീസ് തുറക്കാൻ യുഎൻഡബ്ള്യുടിഒ അനുമതി നൽകിയത്.

    ജ്യോർജിയയിൽ നടന്ന യുഎൻഡബ്ള്യുടിഒ യോഗത്തിൽ റിയാദിൽ മേഖല ഓഫീസ് സ്ഥാപിക്കാൻ അനുമതി നൽകിയതായി സഊദി ടൂറിസം മന്ത്രി അഹ്‌മദ്‌ അൽ ഖതീബ് പറഞ്ഞു. ടൂറിസം ട്രാവൽ രംഗത്ത് മിഡിൽ ഈസ്റ്റ് ഉൾപ്പെടുന്ന മേഖലയിലെ പതിനാറ് രാജ്യങ്ങളിലേക്ക് ആവശ്യമായ കാര്യങ്ങൾ ചെയുന്ന തരത്തിലായിരിക്കും ഓഫീസ് പ്രവർത്തനം. അന്താരാഷ്ട്ര സഹകരണവും യുഎൻ‌ഡബ്ല്യുടിഒയുടെ പങ്കും ഏറെ ആവശ്യമാണിപ്പോഴെന്നും സഊദിയിൽ സ്ഥാപിതമാകുന്ന ദേശീയ, പ്രാദേശിക തലത്തിലുള്ള വളർച്ചയെ പിന്തുണയ്ക്കാൻ ലക്ഷ്യമിട്ടുള്ള ആദ്യത്തെ യുഎൻ‌ഡബ്ല്യുടിഒ റീജിയണൽ ഓഫീസ് ഏറെ സഹായകരമാകുന്നെന്നതിൽ അതിയായ സന്തോഷമുണ്ടെന്നും അദ്ദേഹം പറഞ്ഞു.

     സ്‌പെയിനിലെ മാഡ്രിഡ് ആസ്ഥാനമായുള്ള ലോകത്തെ വിനോദ സഞ്ചാര പ്രവര്ത്തനങ്ങളെ ഏകോപിപ്പിക്കുന്ന ഐക്യ രാഷ്ട്ര സഭയുടെ പ്രത്യേക സംഘടനയായ യുണൈറ്റഡ് നാഷൻസ് വേൾഡ് ടൂറിസം ഓർഗനനൈസേഷൻ 1974 നവംബര് 1 നാണ് പ്രവർത്തനം 155 രാജ്യങ്ങളിലായി 7 മേഖലകളും 2 സ്ഥിര നിരീക്ഷകരും അഞ്ഞൂറോളം അഫിലിയേറ്റഡ് അംഗങ്ങളും ചേര്ന്നതാണ് സംഘടന.