ചെറുപുഴ: ഭാര്യയെ മാരകമായി വെട്ടിപ്പരുക്കേല്‍പ്പിച്ച ഭര്‍ത്താവ് അറസ്റ്റില്‍. പെരിങ്ങോം അരവഞ്ചാലിലെ കല്ലുക്കുന്നേല്‍ സത്യനാണ് അറസ്റ്റിലായത്. ഭാര്യ രജിതയെയാണ് വെട്ടിപ്പരുക്കേല്‍പ്പിച്ചത്. ഇന്നലെ രാവിലെ എട്ടോടെയായിരുന്നു സംഭവം. കത്തിയും ഇരുമ്പുകമ്പിയും ഉപയോഗിച്ച് ആക്രമിക്കുകയായിരുന്നു. കൈകള്‍ക്കും കാലുകള്‍ക്കും ഗുരുതരമായി മുറിവേറ്റിട്ടുണ്ട്. മക്കള്‍ നിലവിളിച്ചതോടെ നാട്ടുകാര്‍ ഓടിയെത്തി രജിതയെ രക്ഷപ്പെടുത്തുകയായിരുന്നു. ഗുരുതരമായി പരുക്കേറ്റ ഇവരെ പയ്യന്നൂര്‍ താലൂക്ക് ആശുപത്രിയില്‍ പ്രവേശിപ്പിച്ചു.