കോതമംഗലം: മൂന്നാര്‍, മറയൂര്‍, മാങ്കുളം, ചിന്നാര്‍, ഇരവികുളം ഉള്‍പ്പടെയുള്ള വനമേഖലകളില്‍ സേവനമനുഷ്ഠിക്കുന്ന വനം വകുപ്പ് ജീവനക്കാര്‍ക്ക് ആശ്രയമായി കോതമംഗലം ഫോറസ്റ്റ് ഡിവിഷന്‍ ഓഫിസ് കോമ്പൗണ്ടില്‍ നിര്‍മിച്ച ഫോറസ്റ്റ് സ്റ്റേഷന്‍ കോംപ്ലക്‌സ്.വനം വകുപ്പ് മന്ത്രി കെ. രാജു കോംപ്ലക്‌സിന്റെ ഉദ്ഘാടനം നിര്‍വഹിച്ചു. കോതമംഗലം മേഖലയിലുണ്ടാകുന്ന അഭൂതപൂര്‍വമായ വികസനപ്രവര്‍ത്തനങ്ങളുടെ നേര്‍സാക്ഷ്യമാണ് അഞ്ചുകോടി രൂപ ചെലവില്‍ നിര്‍മിച്ചിരിക്കുന്ന ഫോറസ്റ്റ് സ്‌റ്റേഷന്‍ കോംപ്ലക്‌സെന്ന് മന്ത്രി പറഞ്ഞു. 

കോടികള്‍ മുടക്കിയുള്ള വികസനപ്രവര്‍ത്തനങ്ങള്‍ വര്‍ഷങ്ങള്‍ നീണ്ടുപോകുന്ന സാഹചര്യത്തില്‍ കോംപ്ലക്‌സ് നിര്‍മാണം വേഗത്തില്‍ പൂര്‍ത്തിയാക്കാനായത് വലിയ നേട്ടമാണെന്നും മന്ത്രി പറഞ്ഞു.