തിരുവനന്തപുരം: സംസ്ഥാനത്ത് പട്ടിക വിഭാഗത്തില്‍പെട്ട 8103 കുട്ടികള്‍ എസ്.എസ്.എല്‍.സി പരീക്ഷ എഴുതിയപ്പോള്‍ എല്ലാ വിഷയങ്ങള്‍ക്കും എ പ്ലസ് നേടാനായത് 80 പേര്‍ക്കു മാത്രം. 7066 പേര്‍ ഉന്നത വിദ്യാഭ്യാസത്തിന് യോഗ്യത നേടി.
പട്ടികജാതി വിഭാഗത്തില്‍ 95.77 ശതമാനവും പട്ടികവര്‍ഗ വിഭാഗത്തില്‍ 87.20 ശതമാനവും ഒ.ബി.സിയില്‍ 98.40 ശതമാനവും ഒ.ഇ.സിയില്‍ 98.50 ശതമാനവുമാണ് ആകെ വിജയം. പട്ടികജാതി വിഭാഗത്തില്‍ പരീക്ഷയെഴുതിയ 43,187 കുട്ടികളില്‍ 1,091 പേര്‍ക്കും ഒ.ബി.സി വിഭാഗത്തില്‍ പരീക്ഷയെഴുതിയ 294280 കുട്ടികളില്‍ 23,352 പേര്‍ക്കും ഒ.ഇ.സി വിഭാഗത്തില്‍ പരീക്ഷക്കിരുന്ന 14014 കുട്ടികളില്‍ 762 പേര്‍ക്കും എല്ലാ വിഷയത്തിനും എ പ്ലസ് ലഭിച്ചു.