കൊച്ചി: ഐ.എസ് റിക്രൂട്ട്‌മെന്റ് കേസുമായി ബന്ധപ്പെട്ട് അറസ്റ്റിലായ പാലക്കാട് സ്വദേശി റിയാസ് അബൂബക്കറിനെ കോടതി അഞ്ചുദിവസത്തേക്ക് എന്‍.ഐ.എയുടെ കസ്റ്റഡിയില്‍ നല്‍കി. റിമാന്‍ഡിലായിരുന്ന റിയാസിനെ കൂടുതല്‍ ചോദ്യം ചെയ്യാനായി കസ്റ്റഡിയില്‍ വേണമെന്ന എന്‍.ഐ.എയുടെ ഹരജി പരിഗണിച്ച കോടതി വെള്ളിയാഴ്ച വൈകുന്നേരം മൂന്നു മണി വരെയാണ് റിയാസിനെ വിട്ടുനല്‍കിയത്. നേരത്തെ എന്‍.ഐ.എ അറസ്റ്റ് ചെയ്ത റിയാസിനെ കോടതി 30 ദിവസത്തേക്ക് റിമാന്‍ഡ് ചെയ്തിരുന്നു.