മടിക്കേരി: ബ്രൗണ്‍ഷുഗര്‍ വില്‍പ്പനനടത്തിയ കേസില്‍ അഞ്ച്  പേര്‍ക്ക് പത്ത് വര്‍ഷം തടവുശിക്ഷയും  ഒരു ലക്ഷം രൂപ പിഴയും കുടക് ജില്ലാ സെഷന്‍സ് കോടതി വിധിച്ചു. ഗോണിക്കൊപ്പ വെങ്കട്ടപ്പ കോളനിയിലെ പാണ്ഡ്യന്‍, വിരാജ്‌പേട്ട അപ്പനെറവണ്ട ഉമേഷ്, ഗോണിക്കൊപ്പ അറുവത്തോക്ക് ഗ്രാമത്തിലെ കന്നികണ്ട എ രമേശ്, തമിഴ്‌നാട് നാമക്കല്‍ ജില്ലയിലെ വെങ്കിടേഷ്, വൈ രമേശ് എന്നിവരെയാണ് ശിക്ഷിച്ചത്. തമിഴ്‌നാട് നാമക്കലില്‍ നിന്നു ബ്രൗണ്‍ഷുഗര്‍ കൊണ്ടുവന്ന് ഗോണിക്കൊപ്പയിലെ ഹോട്ടലില്‍ വില്‍പ്പന നടത്തവെയാണ്  ഇവരെ പൊലിസ് പിടികൂടിയത്. 2010 ഫെബ്രുവരി 27നായിരുന്നു  സംഭവം നടന്നത്. ജഡ്ജ് ആര്‍.കെ.ജി.എം.എം മഹാസ്വാമീജിയാണ് ശിക്ഷ വിധിച്ചത്.