കോഴിക്കോട്: വെസ്റ്റ്ഹില്‍ ഗവ. പോളിടെക്‌നിക് കോളജില്‍  ബധിര-മൂക വിദ്യാര്‍ഥികള്‍ക്കായി സംഘടിപ്പിക്കുന്ന സര്‍ഗാത്മക ശില്‍പശാലയ്ക്ക് തുടക്കമായി. 'ഫോക്കസ് 'എന്ന പേരില്‍ നടന്ന ശില്‍പശാല കോര്‍പറേഷന്‍ ആരോഗ്യ സ്ഥിരംസമിതി അധ്യക്ഷന്‍ കെ.വി ബാബുരാജ് ഉദ്ഘാടനം ചെയ്തു. പ്രിന്‍സിപ്പലിന്റെ ചുമതലയുള്ള സി. ഉദയന്‍ അധ്യക്ഷനായി. കൊളത്തറ വികലാംഗ വിദ്യാലയത്തിലെ ടി. റസാഖ്, ശരീരം തളര്‍ന്നിട്ടും ജീവിതത്തോട് പോരാടി വിജയിച്ച പെരുവണ്ണാമുഴിയിലെ ജോണ്‍സണ്‍ ക്ലാസെടുത്തു. ഫിനിഷിങ് സ്‌കൂള്‍ കോഡിനേറ്റര്‍ സി.കെ ശ്രീത, ബി.എസ് ജൗഹര്‍ അലി, രാജീവന്‍ കോളിയോട്ട്, സുരേന്ദ്രന്‍ സംസാരിച്ചു. ശില്‍പശാല ഇന്നു സമാപിക്കും.