തിരുവമ്പാടി: സര്‍പ്പത്തിന്റെ പത്തിക്കു സമാനമായ ചിറകുകളുള്ള ചിത്രശലഭം കൗതുകമായി. തിരുവമ്പാടി പുന്നക്കല്‍ കീഴെപാട്ട് ഇബ്‌റാഹിമിന്റെ വീട്ടിലാണ് വ്യത്യസ്തയുള്ള ചിത്രശലഭത്തെ കണ്ടത്. ഇതിന്റെ തലയുടെ ഭാഗത്ത് പ്രത്യേക ആകൃതിയിലുള്ള ചെറിയ ചിറകുകളുമുണ്ട്. ഒരു ചാണിനേക്കാളും നീളമുള്ള ഇത്തരം ചിത്രശലഭം അപൂര്‍വമായി മലയോര മേഖലയില്‍ കാണാറുണ്ടെന്നാണ് പ്രദേശവാസികള്‍ പറയുന്നത്.