മുക്കം: രണ്ടര കിലോ കഞ്ചാവുമായി യുവാവിനെ പൊലിസ് പിടികൂടി. ചെറുപ്പ സ്വദേശി ഫൈസലാണ് പിടിയിലായത്. രഹസ്യവിവരം ലഭിച്ചതിന്റെ അടിസ്ഥാനത്തില്‍ ബൈക്കില്‍ വരികയായിരുന്ന യുവാവിനെ കൊടിയത്തൂര്‍ പഞ്ചായത്തിലെ തെനങ്ങാപറമ്പില്‍വച്ച് വാഹനം തടഞ്ഞുനിര്‍ത്തി പിടികൂടുകയായിരുന്നു.
താമരശേരി ഡിവൈ.എസ്.പി ബിജുരാജിന്റെ പ്രത്യേക സ്‌ക്വാഡും മുക്കം എസ്.ഐ കെ.പി അഭിലാഷിന്റെ നേതൃത്വത്തിലുള്ള സംഘവുമാണു പ്രതിയെ പിടികൂടിയത്. ഷിബില്‍ ജോസഫ്, ഷഫീഖ് നീലിയാനിക്കല്‍, അനൂപ് തറോല്‍, സലീം മുട്ടത്ത്, എ.കെ രതീഷ്, അനൂപ് മണാശ്ശേരി, ജിതിന്‍ എന്നിവരും പൊലിസ് സംഘത്തിലുണ്ടായിരുന്നു.