കോഴിക്കോട്: സസ്റ്റൈനബിള്‍ ഡവലപ്‌മെന്റ് ഇനീഷേറ്റീവ്‌സിന്റെ (കെ.എസ്.ഡി.ഐ) ആഭിമുഖ്യത്തില്‍ 'ലൈറ്റ് മെട്രോയുടെ പ്രസക്തി' വിഷയത്തില്‍ ചര്‍ച്ച സംഘടിപ്പിക്കുന്നു.
25ന് ടൗണ്‍ഹാളില്‍ നടക്കുന്ന ചര്‍ച്ച ഗതാഗത മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യുമെന്ന് കെ.എസ്.ഡി.ഐ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ചടങ്ങില്‍ മേയര്‍ തോട്ടത്തില്‍ രവീന്ദ്രന്‍, എം.കെ രാഘവന്‍ എം.പി, എം.എല്‍.എമാരായ എ. പ്രദീപ്കുമാര്‍, ഡോ. എം.കെ മുനീര്‍, വി.കെ.സി മമ്മദ് കോയ, ലൈറ്റ് മെട്രോ പദ്ധതിയുമായി ബന്ധപ്പെട്ട ഓഫിസര്‍മാര്‍ പങ്കെടുക്കും.
കെ.എസ്.ഡി.ഐ സെക്രട്ടറി എ.കെ പ്രശാന്ത്, വൈസ് പ്രസിഡന്റ് സി. ജനാര്‍ദനന്‍, കെ.ഇ മുഹമ്മദ് ഫൈസല്‍, രാജേഷ് പുത്തന്‍പുരയില്‍ വാര്‍ത്താ സമ്മേളനത്തില്‍ പങ്കെടുത്തു.