തിരുവനന്തപുരം: തലസ്ഥാനത്തുനിന്നു ചെന്നൈയിലേക്ക് വീണ്ടും കെ.എസ്.ആര്‍.ടി.സി സര്‍വിസുകള്‍ തുടങ്ങി.
ചെന്നൈയിലേക്കും അവിടെനിന്നു തിരിച്ചും സൂപ്പര്‍ ഡീലക്‌സ് ബസുകളാണ് തിങ്കള്‍ മുതല്‍ വെള്ളിവരെ സര്‍വിസ് നടത്തുന്നത്. കെ.എസ്.ആര്‍.ടി.സിയുടെ ഓണ്‍ലൈന്‍ സേവനത്തിലൂടെ ഈ ബസുകളിലേക്കുള്ള ടിക്കറ്റുകള്‍ ബുക്ക് ചെയ്യാം.
കൊവിഡ് വ്യാപനത്തെ തുടര്‍ന്ന് നിര്‍ത്തിവച്ചിരുന്ന അന്തര്‍ സംസ്ഥാന സര്‍വിസുകള്‍ ഓണക്കാലത്താണ് കെ.എസ്.ആര്‍.ടി.സി പുനരാരംഭിച്ചത്. ബംഗളൂരുവിലേക്കായിരുന്നു സര്‍വിസുകള്‍ ആദ്യം തുടങ്ങിയത്. സംസ്ഥാനത്തെ എല്ലാ പ്രമുഖ നഗരങ്ങളില്‍നിന്നും തിരിച്ചും ബംഗളൂരുവിലേക്ക് സര്‍വിസുകള്‍ ആരംഭിക്കുകയായിരുന്നു.
അതിനു ശേഷമാണ് ചെന്നൈയിലേക്കുള്ള സര്‍വിസുകള്‍ തലസ്ഥാനത്തുനിന്ന് ആരംഭിച്ചിരിക്കുന്നത്.