കല്‍പ്പറ്റ: തുറമുഖ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഇന്ന് രാവിലെ 10.30ന് എടക്കല്‍ ഗുഹ സന്ദര്‍ശിക്കും. മഴയെ തുടര്‍ന്ന് ഗുഹയിലേക്ക് കല്ല് അടര്‍ന്ന് വീണിരുന്നു. ഇതിനെ തുടര്‍ന്ന് ഗുഹയിലേക്ക് സഞ്ചാരികളെ കടത്തി വിടുന്നത് താല്‍ക്കാലികമായി വിലക്കിയിരുന്നു. സ്ഥിതിഗതികള്‍ വിലയിരുത്താനാണ് മന്ത്രി എടക്കല്‍ ഗുഹയിലെത്തുന്നത്. തുടര്‍ന്ന് ഉച്ചക്ക് 2.15ന് കലക്ടറേറ്റില്‍ ചേരുന്ന പുനരധിവാസ പുനര്‍ നിര്‍മാണ അവലോകന യോഗത്തില്‍ പങ്കെടുക്കും.