വഡോദര: പാമ്പ് കടിയേറ്റ വൃദ്ധന്‍ പാമ്പിനെയും തിരിച്ചു കടിച്ചു. ഗുജറാത്തിലെ മഹിസാഗര്‍ ജില്ലയിലെ അജന്‍വാ ഗ്രാമത്തിലാണ് സംഭവം. 60 വയസുകാരനായ പര്‍വത് ഗാലാ ബരിയ എന്നയാള്‍ തന്റെ വയലില്‍ ലോറിയില്‍ ഗോതമ്പ് കയറ്റുന്നതും നോക്കി നില്‍ക്കുകയായിരുന്നു. ഈ സമയം ഇഴഞ്ഞു വന്ന പാമ്പിനെ കണ്ട ജോലിക്കാരെല്ലാം ഓടി രക്ഷപ്പെട്ടു.
എന്നാല്‍ ബരിയ ഓടാതെ നിന്നതോടെ ഇയാളെ പാമ്പ് കടിക്കുകയായിരുന്നു. എന്നാല്‍ തന്നെ കടിച്ച പാമ്പിനെ ഇയാള്‍ പിടികൂടിയതോടെ വീണ്ടും ഇയാളുടെ മുഖത്തും കൈക്കും കടിച്ചു. എന്നാല്‍ കലിപൂണ്ട ബരിയാകട്ടെ പാമ്പിനെ തിരികെ കടിച്ച് കൊന്നു. അതിനിടയില്‍ ഓടിക്കൂടിയ ജോലിക്കാരും മറ്റും ചേര്‍ന്ന് ഇയാളെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.